Facebook fshin qindra llogari të lidhura me një kompani izraelite

Bota

Facebook fshin qindra llogari të lidhura me një kompani izraelite

Më: 16 maj 2019 Në ora: 23:30
Foto ilustrim

Kompania Facebook njoftoi se ka fshirë 265 llogari, faqe dhe grupe të lidhura me një kompani me bazë në Izrael.

Sipas njoftimit, llogaritë janë fshirë nga platforma e Facebook-ut dhe Instagramit.

Arsyeja e kësaj mase, sipas Facebook-ut, është se këto llogari kanë pasur, siç është thënë “sjellje joautentike”.

Ato, kanë shënjestruar përdoruesit në Amerikën Latine, Azinë Jugore dhe Afrikë.

Kjo masë e Facebook-ut është pjesë e përpjekjeve të kompanisë për adresimit e shqetësimeve, lidhur me privatësinë dhe gjuhën e urrejtjes në mediat sociale.

“Në këtë rast u përdorën llogari të rreme për të drejtuar faqet, përmbajtjen e tyre dhe në mënyrë artificiale të rrisin ndërveprimin”, thuhet në njoftimin e kompanisë Facebook.

Sot mund të lexoni Shfletoni kopertinat