Një grua 29 vjeçe nga Tajlanda e ka shokuar botën duke e lënë foshnjën e porsalindur në kontejner.
Ajo e ka lindur fëmijën të mërkurën në shtëpinë e saj në vendin e quajtur Samut Prakan. Më pas ka vendosur që ta hedh foshnjën.
Kamerat mbikqyrëse kanë kapur të gjithë rastin, kur ajo me motoçikletë, bashkë edhe më një fëmijë tjetër, e dërgon foshnjën në kontejner të bërllogut.
Më pas ajo largohet, kurse kalimtarët vërejnë diçka të çuditshme. Disa orë më pas, punëtori komunal e gjen beben dhe i njofton organet përgjegjëse. Ndihma e shpejt e dërgon beben në spital, ku bëhet e ditur se ajo është në gjendje të mirë.
Policia më pas ka nisur hetimet dhe ky hetim i ka dërguar deri të nëna e fëmijës, të cilën e kanë gjetur në gjendje të rëndë.
Gruan që sapo kishte lindur e kanë dërguar në spital në gjendje të rëndë, pasi që kishte gjakderdhje pas lindjes. Policia ia kishte pranuar të gjithat.
Kishte thënë se i ka katër fëmijë dhe se nuk mund ta mbante edhe të pestin. Duke marrë parasysh se nuk kishte para të mjaftueshme për ushqim, siç thotë, e kishte lënë foshnjen me shpresë që dikush do ta gjejë dhe do ta merr. Ka shtuar se nuk ka dashur ta mbys beben dhe se i vije keq për atë që ka bërë.
