Gjibraltar: Lirohen katër pjesëtarët e ekuipazhit të cisternës iraniane - Bota Sot
Gjibraltar: Lirohen katër pjesëtarët e ekuipazhit të cisternës iraniane

Bota

Gjibraltar: Lirohen katër pjesëtarët e ekuipazhit të cisternës iraniane

Më: 13 korrik 2019 Në ora: 13:59
Cisterna e naftës iraniane, në brigjet e Gjibraltarit.

Policia në Gjibraltar ka njoftuar se katër pjesëtarët e arrestuar të ekuipazhit të cisternës së naftës iraniane, që u kap nën dyshimin se po barte naftë për në Siri, janë liruar me kusht.

Policia tha se anëtarët e ekuipazhit u liruan, por ndaj tyre ende nuk kanë ngritur ndonjë aktakuzë, duke shtuar se hetimet lidhur me këtë ngjarje po vazhdojnë.

Të katër pjesëtarët e ekuipazhit janë me shtetësi indiane. Cisterna, kishte në bord 28 persona, shumica prej tyre shtetas të Indisë, Pakistanit dhe të Ukrainës.

Irani ka mohuar se cisterna me naftë ishte nisur drejt Sirisë, gjë që do të përbënte shkelje të sanksioneve të Bashkimit Evropian. Teherani më herët ka paralajmëruar se nëse cisterna dhe anëtarët e saj nuk lirohen, do të kundërpërgjigjet me masa të njëjta.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...