Egjipt, publikohen gjetjet e reja arkeologjike

Bota

Egjipt, publikohen gjetjet e reja arkeologjike

Më: 14 korrik 2019 Në ora: 16:54
Foto

Egjipti hapi dy piramida antike në jug të kryeqytetit të Kajros dhe zbuloi një koleksion të sarkofagëve të sapo gjetur, disa prej të cilave përmbajnë mumiet e ruajtura mirë. Ministri i Antikiteteve al-Anani tha se Piramida Bent e Mbretit Sneferu, faraonit të parë të dinastisë së katërt të Egjiptit dhe një piramide aty pranë do të rihapen për vizitorët për herë të parë që nga viti 1965. Ai tha gjithashtu se një ekip arkeologësh kishte zbuluar sarkofagë dhe mbetjet e një muri të lashtë që datojnë  në Mbretërinë e Mesme rreth 4.000 vjet më parë. Gjetjet u bënë gjatë punës së gërmimit në nekropolin mbretëror të Dahshurit në bregun perëndimor të lumit Nil, një zonë e cila është shtëpia e disa prej piramidave më të vjetra të Egjiptit. Muri i lashtë shtrihet rreth 60 metra dhe ndodhet në jug të piramidës së faraonit të dinastisë së 12-të, Mbretit Amenemhat II, gjithashtu në Dahshur. Egjipti në vitet e fundit ka kërkuar të nxisë zbulimet arkeologjike në të gjithë vendin në një orvatje për të ringjallur turizmin, i cili mori një goditje nga trazirat që pasuan kryengritjen e vitit 2011.

commentFirst article
Sot mund të lexoni Shfletoni kopertinat