Të ardhurat e Turqisë nga turizmi shënojnë rritje në tremujorin e dytë - Bota Sot
Të ardhurat e Turqisë nga turizmi shënojnë rritje në tremujorin e dytë

Bota

Të ardhurat e Turqisë nga turizmi shënojnë rritje në tremujorin e dytë

Më: 31 korrik 2019 Në ora: 11:09
Foto

Të ardhurat e Turqisë nga turizmi kanë arritur në afro 8 miliardë dollarë në tremujorin e dytë të këtij viti, njoftoi Instituti Turk i Statistikave (TurkStat), transmeton Anadolu Agency (AA).

Shifra paraqet rritje prej me 13,2 për qind në krahasim me të njëjtin tremujor të vitit të kaluar, tha TurkStat.

Në periudhën prill-qershor, 87,8 për qind e të ardhurave, duke përjashtuar shpenzimet e shërbimit të roamingut GSM dhe shërbimit të marinës, kanë ardhur nga vizitorët e huaj, ndërsa pjesa tjetër është arritur nga qytetarë që banojnë jashtë vendit.

Shpenzimi mesatar i vizitorëve në periudhën tremujore ishte 625 dollarë për frymë.

“Në këtë tremujor, gjersa shpenzimi mesatar i të huajve ishte 607 dollarë për frymë, shpenzimi mesatar i qytetarëve turq që banojnë jashtë ishte 766 dollarë për frymë”, njoftoi autoriteti statistikor i Turqisë.

Vendi ka tërhequr 12,8 milionë vizitorë në periudhën prill-qershor, që paraqet rritje prej 15,3 për qind nga periudha e njëjtë e vitit të kaluar, ndërsa prej tyre, 11,5 milionë kanë qenë të huaj, kurse 1,3 milion shtetas turq me banim jashtë vendit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...