Shkrimtari kinezo-australian Yang Hengjun është arrestuar zyrtarisht me akuza për spiunazh në Kinë. Lajmin e kanë konfirmuar zyrtarët australianë.
Qytetari Australian është mbajtur në Pekin që nga janari në “kushte të ashpra”, tha Ministria e Jashtme e Australisë.
Ministrja e Jashtme Marise Payne tha që Australia ishte “shumë e shqetësuar dhe e zhgënjyer” kur mësoi lajmin për arrestimin e shkrimtarit.
“Ne kemi shqetësime serioze për mirëqenien e Dr. Yang, dhe për kushtet në të cilat ai po mbahet”, shtoi ajo, transmeton Top Channel.
Ai ishte mbajtur pa akuza për më shumë se shtatë muaj, gjatë së cilës Australia i ka kërkuar vazhdimisht Pekinin lirimin e tij.
