Duke praktikuar joga, bie në lartësi prej 24m nga ballkoni

Bota

Duke praktikuar joga, bie në lartësi prej 24m nga ballkoni

Më: 28 gusht 2019 Në ora: 00:05
Pamje nga vendi i ngjarjes

Ky është momenti kur një 23-vjeçare që po bënte joga, duke u mbajtur tek mbrojtëset e ballkonit me kokë poshtë, ka rënë në tokë dhe theu 110 eshtra.

Alexa Terrazas ra nga një lartësi prej 24 metrash nga ballkoni në katin e tretë të apartamentit të saj në San Pedro, Meksikë.

Ajo shpesh praktikonte joga në ballkon, por këtë herë rezultoi në rënie të tmerrshme.

Shoqja e saj kapi momentin kur Terrazas ishte e varur me kokë poshtë në mbrojtëset e ballkonit pak sekonda para se të rrëshqiste dhe të binte me kokë në tokë.

Ngjarja ndodhi rreth orës 13:00 të së shtunës dhe raportohet se vajza theu 110 eshtra nga rënia.

Ajo iu nënshtrua një operacioni prej 11 orësh dhe raportohet se është në gjendje kritike për jetën pasi ka thyer dy këmbët, krahët si edhe ka thyerje eshtrash në legen dhe kokë.

Image

Gjithashtu raportohet se studentja mund të mos jetë në gjendje të ecë për tre vjet pasi mjekët u detyruan të ngjisnin këmbët e saj të thyera.

commentFirst article
Sot mund të lexoni Shfletoni kopertinat