Një pajisje e madhe lundruese, e projektuar nga shkencëtarët holandezë për të pastruar “ishullin” e mbeturinave në Paqësor, po shënon sukses duke mbledhur plehra plastike dhe mbeturina të tjera nga ky oqean për herë të parë.
“Ishulli” i mbeturinave në oqeanin më të madh në botë tani mbulon një zonë tre herë më të madhe se Franca, shkruan Guardian.
Autori i pastrimit të oqeanit, Boyan Slat shkroi në Twitter se pajisja lundruese, e cila është më shumë se 600 metra e gjatë, kishte kryer me sukses operacionin e parë të pastrimit të mbeturinave në Paqësor.
Pajisja mbledh copëza të madhësive të ndryshme, nga rrjetat e peshkimit e deri të rrotat e automjeteve.
