Gratë e Unazës së Re nuk e falin ambasadorin e OSBE-së

Bota

Gratë e Unazës së Re nuk e falin ambasadorin e OSBE-së

Më: 14 tetor 2019 Në ora: 16:07
Foto ilustrim

Pas ndjesës së ambasadorit të OSBE në Tiranë, Bernd Borschardt, kanë reaguar gratë e Unazës së Re që protestojnë prej rreth një viti, duke thënë se nuk e falin ambasadorin për gjestin me gishtin e mesit dje dhe kërkuan shpalljen e tij ‘non grata’.

“Ambasadori i OSBE është person publik, përfaqësues i OSBE. Kur e bën ambasadori i OSBE çfarë mund të bëjë një person tjetër. Nuk e falim, do bëjmë peticion që të shpallet ‘non grata’. Gratë të reagojnë se janë diskriminuar. Edhe Presidentit i bëj thirrje publikisht në emër të grave të Unazës së Re që Borschardt të shpallet non grata. Nuk vlen falja e tij, sepse sjellja është në vazhdimësi.

Ne nuk e shamë, thamë Rama ik. Nuk kemi nevojë për ndjesën e tij, ai të zhduket nga Shqipëria”, u shprehën gratë.

Ambasadori i OSBE-së Bernd Borschardt iu ngriti gishtin e mesit protestuesve që ndodhein dje tek Drejtoria e Policisë, pas thirrjeve të tyre “Rama ik” dhe “Shame on you” por sot ai kërkoi ndjesë me një mesazh në “Twitter”.

commentFirst article
Sot mund të lexoni Shfletoni kopertinat