Parlamenti i Irakut pranoi zyrtarisht dorëheqjen e kryeministrit të dielën, por rruga për të zëvendësuar Adil Abdul-Mahdi u mbush me pyetje ligjore që një ligjvënës e përshkroi si një "vrimë të zezë në kushtetutë", e cila nuk tregon qartë hapin tjetër, raporton AP.
Ndërkohë, demonstratat antiqeveritare vazhduan në kryeqytet dhe një protestues u qëllua për vdekje. Demonstruesit mbyllën rrugë, përfshirë ato që çojnë në një port të madh mallrash në Irakun e jugut. U krijua një organ i veçantë gjyqësor për të hetuar vdekjen e demonstruesve.
Parlamenti miratoi dorëheqjen pa votim, sipas katër ligjvënësve në pjesëmarrje. Ligjvënësit vepruan sipas mendimit juridik të gjykatës supreme federale sepse ligjet ekzistuese nuk parashikojnë procedura të qarta.