Një kompani e vogël iraniane thotë se me krenari prodhon mijëra flamuj amerikanë çdo vit – vetëm që ata mund të shkatërrohen nga protestuesit.
Sipas mediave të huaja, Diba Parcham Khomein, me qendër në afërsi të Khomein, qytetin e lindjes së Ajetollahut Ruhollah Khomeini, bën rreth 6.000 flamuj amerikanë, britanikë dhe izraelitë çdo vit.
Siç bëhet e ditur më tej, pothuajse të gjithë ata janë të destinuar të shiten në “zona të forta politike iraniane” për rreth 2 dollarë – të stampohen, të copëtohen dhe të digjen përfundimisht gjatë protestave dhe mitingjeve në Republikën Islamike.
Pronari i fabrikës, Abolfazl Khanjani tha se tensionet e fundit kishin parë prodhimin “të trefishohet” vitet e fundit – dhe motra e tij, Azam, nuk pranon të fshehë kënaqësinë e saj për mënyrën se si do të përdhosen.
“Ndjenja ime është thjesht urrejtje kur i qep ata. Nuk më jep ndjenjë të mirë”, ka thënë ajo për flamujt, duke përmendur edhe vrasjen e gjeneralit të lartë të Iranit, Qassem Soleimani, për ngritjen e urrejtjes.
Prapëseprapë Khanjani shpreson për marrëdhënie më të mira midis Teheranit dhe SHBA në mënyrë që flamujt e bërë nga personeli i tij të mund të çmohen, jo të digjen.
