Një rrjedhje toksike e gazit vrau katër njerëz në qytetin portual jugor të Pakistanit në Karaçi, tha policia të martën, duke sjellë numrin e vdekjeve deri në nëntë në incidentin që ka sëmurë qindra persona, raporton AP.
Vdekjet e reja kanë shkaktuar panik në Karaçi dhe kanë ngritur shqetësime se qeveria e qytetit, e cila nuk ka arritur të identifikojë burimin e rrjedhjes dhe llojin e gazit të përfshirë, është në humbje në trajtimin e situatës, megjithëse zyrtarët këmbëngulin se ekziston dyshim për sabotim.
Gazi pa erë të keqe, që shkakton probleme të rënda në frymëmarrje, ka shkaktuar sëmundje te qindra njerëz që nga rrjedhja e parë që u goditi lagjen bregdetare të Kamarit dielën, kur njerëzit papritmas filluan të nxitojnë për në spitalet lokale.
