COVID-19 i mori jetën 102 mijë personave në botë, rreth 1,7 milion të infektuar

Bota

COVID-19 i mori jetën 102 mijë personave në botë, rreth 1,7 milion të infektuar

Më: 11 prill 2020 Në ora: 09:50
Ilustrim

Coronavirusi COVID-19 ka shkaktuar 102,782 viktima në të gjithë botën deri sot, ndërsa numri i të infektuarve ka kaluar mbi 1.69 milionë qytetarë. Këto janë shifrat e përditësuara nga Universiteti amerikan Johns Hopkins.

Numri i të prekurve mendohet se është shumë më i lartë, pasi shumica e personave janë duke u përballur me simptoma të lehta.

Deri tani 376,976 është numri i atyre që kanë arritur të fitojnë betejën me COVID-19

Shtetet e Bashkuara kanë numrin më të madh të të prekurve, me mbi 500 mijë të pasuara nga Spanja, Italia dhe Gjermania.

Italia deri më tani ka numrin më të madh të të vdekurve, 18,849, ndërkohë 16,081 persona kanë vdekur në Spanjë dhe 13,215 në Francë.

SHBA ka shënuar rreth 19 mijë të vdekur dhe vetëm në New York janë 5,820.

Mbretëria e Bashkuar deri më tani ka 8,974 të vdekur dhe 74,605 të infektuar.

commentFirst article
Sot mund të lexoni Shfletoni kopertinat