Dalin në pah të tjera studime që rrëzojnë OBSH dhe shumë shtete sa i takon shifrave të viktimave nga Covid-19. Një ekip nga Universiteti Stanford analizoi ecurinë e virusit në Santa Clara, Kalifornia dhe zbuloi se ka shumë më të infektuar sesa janë regjistruar të tillë, kështu që shkalla e vdekjes do të ishte shumë më e ulët sesa vlerësimet dramatike, gjë që nxiti liderët politikë të praktikojnë izolimet.
Sipas studimit, në Shtetet e Bashkuara, për shembull, vendimi për të mbyllur gjithçka bazohej në modele që tregonin se pa mbyllje, 2 milionë amerikanë do të vdisnin. Disa ekspertë e kanë vënë në dyshim këtë supozim. Ata argumentojnë se rastet e njohura janë ndoshta vetëm një pjesë e vogël e numrit aktual të infeksioneve, dhe për këtë arsye shkalla e lartë e vdekshmërisë së rasteve mund të mos jetë e tillë. “Ne nuk e dimë se sa prej infeksioneve kanë shkuar pa u vënë re për shkak të mungesës së testimit, kufizimeve të testimit dhe një numri potencialisht të madh të sëmundjeve të vogla ose infeksioneve asimptomatike”, shpjegon Wall Street Journal.
Një ekip i Stanford studioi shfaqjen e përgjithshme të një sëmundje brenda një popullate të caktuar në Santa Clara County, Kaliforni, më 3 dhe 4 prill. Qarku ka rreth dy milionë banorë dhe është qyteti i tretë më i madh. Po ashtu ka numrin më të madh të njohur të rasteve në Kaliforninë Veriore.
Studiuesit zbuluan se shkalla e infeksioneve ishte vërtet mbi 1.000 raste pozitive të njohura në qark në kohën e studimit. Rezultatet paraprake vlerësojnë se midis 2.5% dhe 4.2% të banorëve të qarkut kanë antitrupa ndaj virusit. Kjo përkthehet në 48,000 deri 81,000 të infektuar dhe jo mbi 1.000 sa është raportuar dhe kjo është 50 deri 85 herë më shumë se numri i rasteve të njohura.
Përqindje të ngjashme të infeksioneve të rasteve tani janë zbuluar në të gjithë botën, në Itali, Islandë, Gjermani, Danimarkë, e shumë vende tjera.
Sipas studimit, nëse bëhet krahasimi me shkallën e vdekshmërisë, kjo e fundit del në përqindje shumë herë më të vogël seç raportohet deri më tani.
