Afrika, vitin e kaluar ka luftuar me 105 epidemi të ndryshme - Bota Sot
Afrika, vitin e kaluar ka luftuar me 105 epidemi të ndryshme

Bota

Afrika, vitin e kaluar ka luftuar me 105 epidemi të ndryshme

Më: 30 prill 2020 Në ora: 14:54
Foto Ilustrim

Drejtori i politikave shëndetësore dhe diplomacisë pranë Qendrës afrikane për kontroll dhe parandalim të sëmundjeve (Africa CDC), Benjamin Djoudalbaye deklaroi se ky kontinent ka qenë i përgatitur për COVID-19 duke marrë parasysh se vetëm vitin e kaluar kanë pasur 105 epidemi të ndryshme, transmeton Anadolu Agency.

Ai tha se vendet afrikane kanë përvoja në ndjekjen e sëmundjeve dhe mekanizma të monitorimit të shpejtë.

Duke përmendur se në kontinent ka më pak raste të infektimit me coronavirus se në rajonet tjera, Djoudalbaye tha se në Afrikë vitin e kaluar kanë qenë 105 epidemi, përfshirë edhe ebolën.

Ai konsideron se e kanë parë efektin e karantinës dhe orës policore, por se nuk kanë parashikime mbi atë se si virusi do të përhapet në javën e ardhshme.

Djoudalbaye tha se numri i rasteve në kontinent është rritur me 37 për qind gjatë shtatë ditëve të fundit dhe tani arrin në 36,800.

Shfaq komentet
comments powered by Disqus
Sot mund të lexoni Shfletoni kopertinat