Venezuela pret naftën nga Irani, marrëveshje në flori mes dy shteteve

Bota

Venezuela pret naftën nga Irani, marrëveshje në flori mes dy shteteve

Më: 20 maj 2020 Në ora: 16:28
Foto ilustrim

Venezuela po vuan nga mungesa e benzinës në treg, me qytetarë që presin me padurim në pikat e karburanteve për furnizimin e automjeteve. Irani ka nisur të paktën pesë anije-çisternë për t'i ardhur në ndihmë vendit, por Uashingtoni ka kundërshtuar.

Venezuela ka rezervat më të mëdha të naftës bruto në botë, por tregu i saj i brendshëm mbetet në një krizë disamujore nga mungesa e karburanteve.

Për shkak të sanksioneve ekonomike që aplikon Amerika, vendi nuk arrin të eksportojë dhe as të importojë lirisht lëndë djegëse nga vendet e treta.

Një marrëveshje e fundit mes Venezuelës dhe Iranit po ashtu po kundërshtohet nga Uashingtoni.

Në këmbim të pagesës në flori me vlerë 900 milionë dollarë, Teherani ka nisur të paktën pesë anijë-cisternë me karburant dhe aparatura për të rivënë në funksion rafineritë e naftës të shtetit latin.

SHBA-ja ka paralajmëruar tensione nëse anijet iraniane e realizojnë objektivin e tyre.

Flota amerikane prej muajit prill po zhvillon manovra ushtarake në veri të vendit, në Detin e Karaibeve.

Ndërkohë vetë qytetarët venezuelas bëjnë apel për tejkalimin e situatës dhe mbajnë përgjegjës shtetin.

"Ne jemi vendi më i pasur me naftë në botë dhe nuk e di çfarë po ndodh, nuk duhet të ndodhë kjo. Duhet të dalë dikush ose disa palë fajtorë."

"Nuk e di a do të realizohet dërgesa nga Irani, nuk mendoj. Është e pazakontë që benzina të mos prodhohet këtu."

Keqmenaxhimi dhe mungesa e investimeve në rafineritë shtetërore të Venezuelës, ndërkohë, ka ulur ndjeshëm prodhimin vendës duke siguruar në muajin mars rreth 7 mijë fuçi të reja benzinë në ditë, kur kapaciteti i uzinave është për 1,3 milionë fuçi.

Sanksionet ndaj autoriteteve venezuelase dhe veçanërisht ndaj presidentit socialist, Nikola Maduro, u shtrënguan më tej vitin e kaluar.

Uashingtoni e akuzon Maduros për kolapsin ekonomik, korrupsion, shkelje të të drejtave të njeriut dhe për manipulimin e zgjedhjeve të fundit.

commentFirst article
Sot mund të lexoni Shfletoni kopertinat