​FMN: Sektori bankar nën presion deri në vitin 2025 - Bota Sot
​FMN: Sektori bankar nën presion deri në vitin 2025

Bota

​FMN: Sektori bankar nën presion deri në vitin 2025

Më: 24 maj 2020 Në ora: 22:38
Foto ilustrim

Sektori bankar global do të mbetet nën presion deri në vitin 2025, madje edhe kur ekonomia globale të fillojë që të rikuperohet nga kriza e shkaktuar nga pandemia me koronavirus, ka njoftuar Fondi Monetar Ndërkombëtar (FMN).

Në raportin e ri Global të Stabilitetit Financiar, FMN vlerëson se bankat në nëntë ekonomitë më të zhvilluara botërore do të luftojnë për fitime gjatë pesë vjetëve të ardhshme pasi që pandemia do të zgjasë periudhën e normave të ulëta të interesit.

FMN beson se rënia ekonomike për shkak të Covid-19 do t'i vendosë bankat në një "test rezistence" pasi përballen me humbje krediti dhe marzhë më të ulët për shkak të normave të ulëta të interesit.

“Presionet thelbësore mbi përfitimet ka të ngjarë të vazhdojnë në planin afatmesëm dhe afatgjatë, madje edhe kur ekonomia globale të rikuperohet nga tronditja aktuale”, thuhet në raport.

JPMorgan Chase ka rënë me 69 për qind në tremujorin e parë krahasuar me një vit më parë. Indeksi bankar KBW, i cili ndjek çmimet e aksioneve të rreth 20 bankave në Shtetet e Bashkuara, ka rënë 39 për qind që nga fillimi i vitit.

Shfaq komentet
comments powered by Disqus
Sot mund të lexoni Shfletoni kopertinat