Gjatë protestave të organizuara në qytetin meksikan Guadalajar ka ardhur deri te një incident – ku i është vënë zjarri një zyrtari policor.
Në Meksikë janë duke u organizuar protesta tash e disa ditë për shkak të brutalitetit dhe vdekjes së një të riu, që ndërroi jetë derisa policia po e arrestonte – rast i ngjashëm me atë të George Floyd në SHBA.
Protestat u organizuan pasi që Giovani Lopez u arrestua sepse nuk barte maskë mbrojtëse, kurse policët e kishin rrahur për vdekje.
Videoja që qarkullon në rrjete sociale shfaq një grup policësh me motoçikleta, ku në një momentin një person i maskuar i derdh shishen me benzinë në shpinën e një zyrtari policor, të cilit më pas i vë flakën.
Për fat të mirë ishin kolegët tjerë që reaguan me kohë për t’i ndalë në ndihëm duke ia fikur zjarrin. Raportohet se ai ka shpëtuar pa ndonjë lëndim serioz.