Një në pesë njerëz në të gjithë botën mendohet se kanë një gjendje shëndetësore që i vë ata në rrezik të shtuar pas komplikimeve të shkaktuara nga coronavirusi.
Sipas mediave të huaja, kanë qenë shkencëtarët nga Shkolla në Londër e Higjienës dhe Mjekësisë Tropikale (LSHTM) që modeluan të dhënat nga 188 vende.
Rezultatet – botuar në revistën prestigjioze mjekësore The Lancet Global Health – zbulojnë se 1.7 miliard njerëz, ose 22% e popullsisë globale, kanë të paktën një ankesë themelore shëndetësore.
Shumica e këtyre individëve ka të ngjarë të kenë ende një infeksion relativisht të moderuar, megjithatë, me 349 milionë (4%) pritet të shtrohen në spital.
Hulumtimet e hershme sugjerojnë se coronavirusi është i butë në katër në pesë raste, megjithatë, ai mund të shkaktojë një sëmundje të frymëmarrjes të quajtur COVID-19.
Pjesa më e madhe e vdekjeve në të gjithë botën kanë ndodhur tek të moshuarit ose ata me çështje shëndetësore para-ekzistuese.
Dhe në këtë drejtim, thuhet se një në pesë “ka gjendje që rrit rrezikun e komplikimeve”.
Disa kushte tanimë janë të njohura që i bëjnë individët më të ndjeshëm ndaj komplikimeve të coronavirusit. Për shembull, kanceri i gjakut mund të shtypë sistemin imunitar.
Meqë coronavirusi është një infeksion i frymëmarrjes, problemet e rrugëve të ajrit si astma gjithashtu mund ta bëjnë atë më serioze.
Këta pacientë përbënin rreth 1.5 milion britanikë, të cilëve u ishte thënë që të izolohen plotësisht në shtëpi për tre muaj në fillim të bllokimit.
Veç këtyre, është bërë e ditur se ata që rrezikojnë më shumë jetojnë në vendet me një popullsi të plakur ose një komb afrikan me një prevalencë të lartë të HIV ose AIDS, sugjerojnë rezultatet.
“Pjesa e popullsisë në rrezik të shtuar nga COVID-19 e rëndë është përgjithësisht më e ulët në Afrikë sesa gjetkë për shkak të popullsisë shumë më të re të vendit, por një pjesë shumë më e lartë e rasteve të rënda mund të jenë fatale në Afrikë sesa gjetkë”, ka thënë autori i studimit profesor Andrew Clark.
Në shkrimin e publikuar nga mediat e huaja, thuhet se në përgjithësi, 5% e njerëzve nën 20 përbëjnë një pjesë të 1.7 miliardë, krahasuar me 66% të atyre 70 ose më shumë.
Dhe midis atyre të një moshe pune, nga 15 në 64, gati një e katërta (23%) mendohet se kanë të paktën një sëmundje kronike.
Kjo ishte e ngjashme midis gjinive, megjithatë, shkencëtarët supozuan se burrat kanë dy herë më shumë të ngjarë të kërkojnë shtrimin në spital nëse infektohen.
