Një tërmet i fortë, me magnitudë 7.4, Shkalla Rihter, goditi brigjet e Paqësorit pranë rreth 33 km larg Zelandës së re, gjatë ditës së sotme, duke alarmuar banorët për një cunam, që mund të ishte shkatërrimtar.
Por fatmirësisht nga lëkundjet nuk janë shënuar viktima dhe nuk pati as cunam.
Autoriteti Kombëtar i Menaxhimit të Emergjencave më herët tha se po vlerësonte nëse lëkundjet e forta do të mund të kishin krijuar një cunam, që mund të prekte Zelandën e Re.
Më pas u konfirmua nga ekspertët se kishte ikur rreziku për cunam, duke këshilluar banorët të mos evakuojnë bregdetin lindor.
Agjensia Kombëtare e Menaxhimit të Emergjencave në Zelandën e Re, u shpreh lidhur me tërmetin dhe rrezikun e cunamit:
“Nuk ka asnjë kërcënim ndaj tsunamit për Zelandën e Re pas tërmetit 7.4 në Jug të Ishujve KERMADEC. Bazuar në informacionin aktual, vlerësimi fillestar është se tërmeti nuk ka gjasa të ketë shkaktuar një cunami që do të përbëjë një kërcënim për Zelandën e Re”.
Transmetuesi kombëtar Radio Zelanda e Re njoftoi pas tërmetit se autoritetet e urgjencës po këshillojnë banorët që jetojnë përgjatë majës së bregut lindor që nëse ndjejnë lëkundje “të gjata dhe të forta”, ata duhet të evakuohen dhe të kalojnë në tokë më të lartë.
Mbrojtja Civile lëshoi urdhrin si një masë paraprake pasi organi kombëtar i urgjencës dhe GNS vlerësuan rrezikun e cunamit për Zelandën e Re.
GeoNet tha se ishte e mundur që lëkundjet e forta të ndjeheshin në zonat bregdetare lindore të Zelandës.
Zelanda e Re është e goditur nga mijëra tërmete në vit, por ky ishte më i fortë i këtij viti, madje ndër më të fortët në gjithë botën.
Tërmetet në det të hapur në ujërat përreth vendit të Paqësorit në jug çojnë menjëherë vlerësime të rrezikut nga tsunami.
