Vdekjet për shkak të COVID-19 kanë arritur në afro 500,000 në nivel global, sipas një raporti të Universitetit Johns Hopkins.
Në këtë drejtim, autoritetet shëndetësore paralajmërojnë se pandemia është larg dhe ka bërë një rikthim në rajone që dukej se kanë mposhtur virusin disa javë më parë.
Dhe sipas Euronews, Evropa ka frikë nga “ringjallja” në rastet kur njerëzit injorojnë distancimin shoqëror.
Në këtë drejtim, autoritetet në Evropë u kanë bërë thirrje njerëzve të veprojnë me përgjegjësi pasi moti i mirë rezultoi në ngjeshje në brigjet e Anglisë.
“Një numër i paparë vizitorësh” u mblodhën në Bournemouth, një qytet në jug të Anglisë, tha këshilli i Bournemouth, Christchurch dhe Poole.
Udhëheqësi i Këshillit Lokal, Vikki Slade, tha që ajo ishte “absolutisht e mërzitur” nga skenat.
Gjithashtu, në Londër, policia Metropolitane tha se “kishin parë një numër të madh të njerëzve duke shkelur rregullat shëndetësore dukej sikur nuk kujdeseshin fare për shëndetin e tyre ose të familjeve të tyre dhe që duan të kishin festa të mëdha”.
Ndërkohë, disa mijëra u mblodhën në Liverpool për të festuar fitoren e titullit të Premier League të klubit futbollistik, duke injoruar distancimin shoqëror dhe duke rrezikuar sigurinë publike.
Edhe Gjermania, një nga vendet që kishte kontrolluar më me sukses shpërthimin, riktheu bllokimin në dy rrethe të shtetit më të populluar, North Rhine-Westphalia, pasi 1.300 punëtorë të thertoreve kanë dalë pozitivë në testin për coronavirus.
Ajo pasoi shpërthimet e tjera të fundit në Berlin, ku 369 familje u vendosën në karantinë.
Kancelarja Angela Merkel paralajmëroi të shtunën se “rreziku i paraqitur nga virusi është ende serioz”.
E Organizata Botërore e Shëndetit (OBSH) paralajmëroi kundër një “ringjalljeje të konsiderueshme” në rastet e COVID-19 në gati një duzinë vendesh në rajonin e tyre të Evropës.
