Presidenti i Islandës, Gudni Johannesson, i ka fituar bindshëm zgjedhjet presidenciale, në bazë të rezultateve të para që u publikuan të shtunën.
Kështu Johannesson, ka siguruar edhe një mandat në krye të vendit ishullor.
“Jam i nderuar dhe krenar. Për mua, ky rezultat i zgjedhjeve është për ta dëshmuar faktin se bashkëvendësit e mi islandezë e kanë miratuar mënyrën se si i jam qasur kësaj zyreje”, tha ai, shkruan “France24”.
Në vendin me sistem parlamentar, presidenti ka kryesisht detyra simbolike, por ai e ka të drejtën e vetos për legjislacion dhe të drejtën për të hedhur ligje në referendum.
Fitoren e presidentit Johannesson e kishin parashikuar sondazhet e zhvilluara në fillim të muajit. Ai ka garuar si kandidat i pavarur dhe në të kaluarën ka qenë profesor i historisë.
Islanda deri më tani i ka shënuar vetëm 10 viktima dhe i ka 11 raste aktive me koronavirus.