Bashkimi Evropian, është në bisedime me prodhuesin e Remdesivir – njëri prej dy ilaçeve që u dëshmua që mund të trajtojë COVID-19 – pasi Shtetet e Bashkuara të Amerikës kanë blerë pothuajse të gjitha furnizimet në nivel global të ilaçit.
Sipas Euronews, zyrtarët në Bruksel kanë zhvilluar bisedime të shumta me prodhuesin e ilaçit, Gilead.
“Komisioni Evropian aktualisht është në bisedime me kompaninë Gilead, ku diskutuam për rezervimin e dozave të Remdesivir për vendet anëtare të BE-së”, tha Stefan de Keersmaecker, një zëdhënës i Komisionit Evropian.
“Mbrojtja e shëndetit të qytetarëve tanë mbetet prioritet për Komisionin Evropian”, u shpreh ai.
Ilaçi anti-viral i patentuar nga firma bioteknike Gilead me bazë në SHBA, është i vetmi ilaç i aprovuar nga Agjencia Evropiane e Barnave (EMA), që përdoret për trajtimin e pacientëve me coronavirus.
