Shteti i Australisë, Viktoria ka raportuar 725 raste të reja me Covid-19 dhe 15 vdekje këtë të mërkurë.
Ky është një tjetër moment historik i trishtuar për Victoria. Pasi ajo ka regjistruar ditën më të keqe të pandemisë së Australisë deri më tani.
Zyrtarët e shëndetësisë theksojnë se shifrat e reja reflektojnë nga infeksionet që ndodhën gjatë dy javëve të fundit.
Zyrtarët e atjeshëm thonë se janë të sigurt që kufizimet e forta të bllokimit do të ulin numrin e rasteve të reja për dy javët e ardhshme.
Të gjitha dyqanet me pakicë në Victoria po përgatiten të mbyllen nga mesnata sonte, pasi masat janë duke u bërë gjithnjë e më të rrepta për kontrollim të sëmundjes.
