Numri i të infektuarve me koronavirus në botë ka arritur mbi 23 milionë.
Sipas të dhënave nga Worldometers më shumë se 817 mijë persona kanë vdekur nga COVID-19 në gjithë botën.
Numri më i lartë i vdekjeve është regjistruar në Shtetet e Bashkuara të Amerikës me 181 mijë e 114 viktima, ndërsa që nga fillimi i pandemisë janë infektuar 5 milionë e 915 mijë e 630 persona.
Në gjithë botën janë infektuar 23 milionë e 812 mijë e 853 persona, ndërsa 16 milionë e 363 mijë e 830 persona janë shëruar deri më tani. Por, janë 61 mijë e 705 persona të cilët ende janë në gjendje kritike për jetën.
