Joe Kennedy III është pjesëtari i parë i familjes Kennedy që humbi zgjedhjet në vendlindje, Massachusetts pasi u mund nga Ed Markey në zgjedhjet paraprake për senator të SHBA-ve.
Që kur John F. Kennedy u zgjodh në Kongres në vitin 1946, çdo brez i ardhshëm i Kennedy-ve ka fituar zgjedhjet në Massachusettse, raporton BBC.
Por 39-vjeçari demokrat pranoi humbjen të martën mbrëma pas numërimit të votave.
Kennedy u zgjodh në Dhomën e Përfaqësuesve në vitin 2013 dhe shpresonte të bëhej një nga dy senatorët amerikanë nga Massachusetts. Ai konsiderohet pjesë e krahut progresiv të Partisë Demokratike.
Markey, 74 vjeçar thotë se angazhohet për largimin e Donald Trump nga Shtëpia e Bardhë në zgjedhjet presidenciale të nëntorit. Markey pritet të fitojë garën e Senatit kundër një kundërshtari republikan.
Ndryshe, ai fitoi rreth 55 përqind të votave në zgjedhjet e së martës gjersa zgjedhjet presidenciale amerikane do të mbahen më 3 nëntor.
