Mbi 5 mijë punëtorë të infektuar në fabrikë – Vdes nga Covid punëtori i fabrikës më të madhe të dorezave prej gome

Bota

Mbi 5 mijë punëtorë të infektuar në fabrikë – Vdes nga Covid punëtori i fabrikës më të madhe të dorezave prej gome

Më: 14 dhjetor 2020 Në ora: 16:38
Foto Ilustrim

Burri 29 vjeç nga Nepali vdes nga Covid pas infektimit të 5 mijë punëtorëve.

Kompania më e madhe e dorezave të gomës Top Glove në Malajzi ka raportuar të hënën se një nga punonjësit e vet ka ndërruar jetë si pasojë e infektimit me Covid, raporton “Independent”.

Kjo vjen pasi më shumë se 5 mijë punotrë të Top Glove testuan pozitiv për Covid-19 gjatë shpërthimit të infektimeve në fabrika.

Kompania tha përmes një komunikate në email se 29 vjeçi nga Nepali vdiq si pasojë e pneumonisë.

Kompania u bë e vetëdijshme për shifrat e larta të të infektuarve gjatë nëntorit. Kjo ndodhi kur para kthimit në shtëpitë e tyre për festa, mbi 5 mijë punëtorë të fabrikës testuan pozitiv për koronavirus duke e bërë pikën e infeksionit më të madhe në Malajzi.

Për shkak të kësaj qeveria ka vendosur kontroll strikt të lëvizjes dhe ka urdhëruar kompaninë të mbyllë fabrikën dhe të ndihmoj me masat e karantinimit.

Punëtorët janë shprehur se ata nuk ishin të urdhëruar të mbajnë distancë gjatë punës. Ata thanë se është e vështirë të bësh këtë, e sidomos gjatë paketimit të dorezave.

Ata thanë se shpesh ishin të mbledhur në grupe deri në 20 veta. Tani kompania ka konkluduar se 94% e stafit është në gjendje të mirë për të rifilluar punën.

16 nga 28 fabrikat ishin plotësisht të ndaluara nga puna, ndërsa 12 të tjera vazhduan punën. Në përgjigje për shpërthimin e infektimeve Top Glove tha se siguria dhe mirëqenia e punëtorëve dhe komunitetit lokal ishte prioritet i tyre.

Fitimet e kompanisë janë rritur për rreth 310% në krahasim me vitin e kaluar si shkak i nevojës së madhe për mjete të mbrojtjes, si pasojë e Covid-19. 

Shfaq komentet
comments powered by Disqus
Sot mund të lexoni Shfletoni kopertinat