Shkencëtarët që punojnë për Pentagonin kanë testuar me sukses një panel diellor me madhësinë e një kutie të pizës në hapësirë, i projektuar si një prototip për një sistem të ardhshëm që do të dërgojë energji elektrike nga hapësira në çdo pikë të Tokës.
Paneli – i njohur si Moduli i Antenës së Radiofrekuencës Fotovoltaike (PRAM) – u lansua për herë të parë në maj të vitit 2020, bashkangjitur me dronin pa pilot të Pentagonit X-37B, për të shfrytëzuar dritën nga dielli për t’u kthyer në energji elektrike. Droni po shikon Tokën çdo 90 minuta, raporton cnn.
Paneli është krijuar për të përdorur më së miri dritën në hapësirë, e cila nuk kalon nëpër atmosferë dhe kështu ruan energjinë e valëve blu, duke e bërë atë më të fuqishme se rrezet e diellit që arrijnë në Tokë. Drita blu shpërndahet me hyrjen në atmosferë, prandaj qielli duket blu.
Eksperimentet e fundit tregojnë se paneli 12×12 inç është i aftë të prodhojë rreth 10 vat energji për transmetim. Kjo është aq sa mjafton për të furnizuar një kompjuter tablet.
Por projekti parashikon një varg dhjetëra panelesh dhe, nëse shkallëzohet, suksesi mund të revolucionarizojë si mënyrën e gjenerimit dhe shpërndarjes së energjisë në cepat e largëta të globit.
Projekti është financuar dhe zhvilluar nën Pentagon, Fondin Operacional të Përmirësimit të Kapacitetit të Energjisë (OECIF) dhe Laboratorin e Kërkimit Detar të SHBA në Uashington.
