Qeveria gjermane mbështet ndërhyrjen ushtarake të SHBA në Siri, e para nën presidencën e administratës së re të Biden, deklaroi zëdhënësja e qeverisë Ulrike Demmer, në konferencë për shtyp në Berlin.
”Operacioni aemrikan ishte një reagim i vetëmbrojtjes si përgjigje ndaj sulmeve ndaj koalicionit anti-ISIS në Irak, sulme të cilat ne i dënojmë ashpër”, saktësoi zëdhënësja.
”Sulmet ndaj trupave ndërkombëtare janë të papranueshme sepse ato kërcënojnë progresin në stabilizimi i Irakut”, shtoi ajo.
Të paktën 22 luftëtarë irakianë, të cilët i përkasin grupeve militante pro iraniane, u vranë pas sulmeve amerikane në Sirinë Lindore, tha një grup monitorues.
Observatori Sirian për të Drejtat e Njeriut me qendër në Britaninë e Madhe tha se sulmet synuan tre kamionë municionesh që po lëviznin nga Iraku përmes një zone pranë kalimit të al-Qaim në provincën Deir al-Zour të Sirisë.
“Militantët e vrarë ishin anëtarë të hezbollahëve Kait’ib dhe grupeve të milicisë irakiane Hashd al-Shaabi”, tha observatori.
“Presidenti i SHBA, Joe Biden urdhëroi një sulm ajror kundër infrastrukturës së përdorur nga milicia e mbështetur nga Irani në Sirinë Lindore”, tha të enjten Pentagoni.
