Kina do të lejojë vetëm vizitorë të huaj të imunizuar me vaksinë kineze koronavirusi

Bota

Kina do të lejojë vetëm vizitorë të huaj të imunizuar me vaksinë kineze koronavirusi

Më: 17 mars 2021 Në ora: 20:36
Foto ilustrim

Pekini ka njoftuar sot se ka nisur dhënien e vizave për të huajt nga disa dhjetra shtete, por vetëm nëse ata janë të injektuar me vaksinë koronavirusi të prodhuar nga Kina.

Lëvizja ka ngritur shumë pikëpyetje mbi motivimin e kërkesës, duke marrë parasysh faktin që vaksinat kineze nuk janë aprovuar në vendet perëndimore.

Gjatë pandemisë Kina kishte ndaluar udhëtimet jo-esenciale në vend, por rihapja ndaj udhëtarëve është faktor kyç i rekuperimit ekonomik.

Njoftimet e dhëna nga ambasadat kineze të rreth 20 shteteve, kishin ndryshime të vogla mes tyre, por përgjithësisht zotoheshin të ktheheshin në regjimin e para-pandemisë për çështjen e vizave, me qëllim rikthimin e “këmbimeve njerëz me njerëz në mënyrë të rregullt”.

Deri tani vendi është i hapur për të huaj nga SHBA, Britania, India, Australia, Iraku, Tailanda, Kroacia, Izraeli, Pakistani e Filipinet. Por të gjithë aplikuesit duhet të kenë marrë një dozë ose kursin e plotë të dy dozave, nga një prej vaksinave të prodhuara nga Kina. Testi negativ i koronavirusit gjithashtu është kriter.

Kina ka në qarkullim pesë vaksina për qëllime emergjence dhe të përgjithshme, tre prej të cilave janë shpërndarë në vende të tjera.

commentFirst article
Sot mund të lexoni Shfletoni kopertinat