Ekipeve të shpëtimit në Australi iu është dashur që të punojnë për rreth tri orë gjatë natës për të arritur deri te shpëtimi i nëntë personave të bllokuar nga përmbytjet në Australi.
Sipas mediave të huaja, bëhet fjalë për një grup prej pesë të rriturish dhe katër fëmijë të cilët ishin gjendur të izoluar nga rrjedha e fuqishme e ujit.
Por për fatin e mirë të tyre, ekipet e shpëtimit kanë arritur deri në vendin ku gjendeshin ata, duke i dërguar në një vend më të sigurt.
Crews worked for 3 hours overnight to safely and slowly evacuate 5 adults and 4 kids after they found themselves isolated by moving floodwater. The silver lining was that everyone arrived to the evac centre in style - via our big red trucks. pic.twitter.com/6E5PptL7og
— Fire and Rescue NSW (@FRNSW) March 21, 2021
Rreth 18 mijë australianë janë evakuuar për shkak të përmbytjeve në New South Wales derisa reshjet e mëdha vazhdojnë të godasin bregun lindor.
Siç edhe është bërë e ditur, përmbytjet kanë bërë që lumenjtë dhe digat të derdhen rreth Sidneit – kryeqyteti i shtetit – si dhe në jug-lindje të Queensland.
Zyrtarët thonë se kjo “ngjarje një herë në 50 vjet” mund të vazhdojë gjatë gjithë javës dhe kanë nxitur qytetarët që të tregojnë kujdes.
