Infektologu amerikan Anthony Fauci ka paralajmëruar sot se rritja e rasteve të reja me coronavirus në Evropë, do të mund të ndodhte ngjashëm një valë e tillë edhe në SHBA, duke i bërë thirrje qytetarëve të jenë më të kujdesshëm.
Fauci, këshilltar për shëndetësi i presidentit amerikan Joe Biden, ka theksuar gjatë një interviste dhënë për televizionin ABC, se është optimist sa i përket çështjes së vaksinimit, duke shpresuar që vaksina e AstraZeneca do të mund gjithashtu të fillonte të përdorej edhe në SHBA.
Sipas tij, kjo vaksina sipas të gjitha gjasave është mirë, por se këshilli i pavarur është i brengosur për të dhënat që kjo kompani i ka prezantuar.
“Sigurisht se është vaksinë e mirë”, ka thënë Fauci, duke shtuar se agjencia amerikane e ushqimit dhe barnave do të kontrolloj të gjitha të dhënat për vaksinën, pa u mbështetur në pretendimet e tjerëve.
