Gjenden 60 delfinë të ngordhur në breg të detit, autoritetet nisin hetimet

Bota

Gjenden 60 delfinë të ngordhur në breg të detit, autoritetet nisin hetimet

Më: 5 prill 2021 Në ora: 22:27
Foto

Autoritetet në Gana po përpiqen të zbulojnë se çfarë ka bërë që më shumë se 60 delfinë të ngordhur të gjenden në bregun e detit të disa plazheve.

Peshkatarët vendas thonë se fenomeni është jashtëzakonisht i rrallë.

Komisioni i Peshkimit në Gana thotë se janë marrë mostra për analiza laboratorike.

Dhjetëra delfinë u zhdukën nga plazhi Axim në perëndim të vendit. Dyshohet se ato u morën nga njerëz që synojnë të shesin mishin e tyre, raporton faqja e lajmeve Ganeze Graphic Online.

“Vëzhgimi fillestar nuk tregoi plagë në trupat e tyre. Ngjyra e detit dhe temperatura janë normale,” tha drejtori ekzekutiv i Komisionit të Peshkimit, Michael Arthur-Dadzie për agjencinë e lajmeve AFP

Hetimet janë zhvilluar gjatë vitit të fundit pas vdekjeve të ngjashme masive të delfinëve përgjatë pjesëve të tjera të bregdetit afrikan.

Në shkurt 111 delfinë u gjetën të ngordhur në brigjet e Mozambikut.

Delfinët mund të jenë kapur me baticë pas Ciklonit Guambe, sugjeron një hetim paraprak nga ministria e bujqësisë në Mozambik.

Vitin e kaluar, 52 delfinë të vdekur u gjetën në bregdetin e ishullit Mauritius të Oqeanit Indian.

Një hetim nga ministria e peshkimit në Mauritius vuri shkaktarin kryesor të vdekjes një fenomen të njohur si barotrauma.

Kjo rezulton nga një ndryshim i menjëhershëm i presionit që mund të shkaktohet nga gjëra të ndryshme duke përfshirë sonarin ushtarak, një tërmet nënujor, eksplozivë ose një shpërthim vullkanik.

Shfaq komentet
comments powered by Disqus
Sot mund të lexoni Shfletoni kopertinat