Rritet çmimi i vaksinës Pfizer/ BE firmos kontratën për 900 milion doza, ja sa pritet të kushtojnë

Bota

Rritet çmimi i vaksinës Pfizer/ BE firmos kontratën për 900 milion doza, ja sa pritet të kushtojnë

Më: 13 prill 2021 Në ora: 13:23
Foto ilustrim

BE do të marrë me një çmim më të lartë vaksinat Pfizer, si pjesë e një kontrate të re për vitin 2022.  Lajmin e ka bërë të ditur kryeministri bullgar, Bojko Borisov.

“Vaksina Pfizer kushtonte 12 euro, por tashmë BE për 2022 dhe 2023 do të nënshkruajë kontrata për 900 milion doza vaksinash me çmimin 19.5 euro”, zbuloi Borisov.

BE ka thënë që informacioni mbi çmimet dhe kontratat është konfidencial, por një zyrtar i Komisionit ka konfirmuar se BE po përfundon kontrata për të mbajtur 2 miliardë vaksina në stok gjatë dy viteve të ardhshme.

Sipas Kryeministrit të Bullgarisë “tani ne kemi më shumë frikë nga versioni francez i covid-it. Do të ketë më shumë variacione sepse 19,50 € për 900 milion do të kushtojnë gati 18 miliard euro në total”, tha ai, duke shtuar se ekspertët duhet të lënë mënjanë më shumë para për vaksinat e ardhshme, shkruajnë mediat e huaja.

commentFirst article
Sot mund të lexoni Shfletoni kopertinat