Krim i tmerrshëm: 18 vjeçari vret 3 bebe dhe 2 punonjëse në një çerdhe

Bota

Krim i tmerrshëm: 18 vjeçari vret 3 bebe dhe 2 punonjëse në një çerdhe

Më: 5 maj 2021 Në ora: 19:48
Pamje nga Brazili

Një adoleshent jashtë kontrolli me hanxhar në dorë ka vrarë dy mësuese femra dhe tre bebe në një masakër të rëndë në çerdhen e kujdesit ditor në Brazil.

18-vjecari mësyu në çerdhen e fëmijëve Aquarela në Saudades, dje në Brazil, tha policia për rrjetin G1.

Stafi i tmerruar nga sulmi u fsheh në një dhomë megjithë fëmijët, teksa sulmuesi masakronte pa diskriminim foshnjet dhe dy koleget e tyre punonjëse.

30 vjeçarja Keli Adriane Aniecevski, 20 vjeçarja Mirla Renner, 20, dhe tre bebe një-vjeçare u vranë gjatë sulmit të tmerrshëm që ka shokuar vendin.

Pas vrasjeve i dyshuari plagosi veten e saj dhe u gjet i rrëzuar përtokë.

Ai u arrestua dhe u dërgua në spitalin e Pinhalzinho.

Aniecevski, e cila punonte prej 10 vjetësh në çerdhën e Aquarela, u shpall e vdekur në skenë.

Drejtoresha arsimore vendore Gisela Hermann e përshkruante vendngjarjen “skenë terrori”: “Një djalë ishte i shtrirë në dysheme, por ende gjallë, një mësuese ishte e vdekur ashtu si dhe një fëmijë”.

Aline Biazebetti, e cila punon në çerdhe, nxitoi të ndihmonte pasi dëgjoi ulërimat e njerëzve.

Biazebetti tha se agresori tentoi të hapte dhomën ku ishin fshehur punonjësit e tjerë me bebet: “Ai u përpoq ta hapte, por në fund hoqi dorë”.

“Ata më pas kishin nisur të mbyllnin dritaret për të mbrojtur veten.”

Kryebashkiaku i Santa Catarina, Carlos Moisés ofroi ngushëllimet për familjet e viktimave ndërsa mësimi është anulluar kësaj jave në bashkinë e Saudades.

Autoritetet ende nuk kanë dhënë detaje për identitetin apo motivimin e sulmuesit.

commentFirst article
Sot mund të lexoni Shfletoni kopertinat