Një vajzë nga Indonezia e pret dënimi me vdekje, pasi që aksidentalisht ka mbytur një djalë gjatë një tentimi të dështuar për të realizuar një hakmarrje.
Nani Apriliaini, 25-vjeçe, akuzohet për vrasje me paramendim pasi që 10-vjeçari Naba Faiz Praseti ngrëni qebapët e dedikuara për ish-dashnorin e saj.
Babai i djaloshit të pafat është shofer dhe bën transportimin e ushqimit, kurse sipas policisë – Aprilianit ia kishte ofruar 30.00 rupi (rreth 2 euro) që ta dorëzojë ushqimin në një adresë të caktuar.
Ai e kishte dërguar ushqimin në shtëpinë e një polici i cili ishte martuar me një grua tjetër dhe që dikur kishte qenë në lidhje me të akuzuarën.
Megjithatë në ato momente ai nuk kishte qenë në shtëpi, kurse gruaja e tij kishte refuzuar ushqimin pasi nuk e dinte se kush e kishte dërguar.
Duke mos dashur që ushqimin ta hodh në mbeturina, shoferi e dërgoi në shtëpinë e tij ku e ndau me gruan dhe të birin, të cilëve pas pak sekondave filloi t’ju del shkumë nga goja dhe filluan të vjellin.
Ata janë dërguar me urgjencë në spitalin më të afërt, ku mjekët arritën të shpëtojnë gruan por jo edhe djalin.
E hetimet kanë zbuluar se qebapi i kobshëm që kishte helm për minj, kishte përfunduar në barkun e djaloshit. Ndërkaq, policia ka identifikuar Apriliianin, vajzën nga qyteti Jogiakarta që u filmua nga kamerat e sigurisë.
Ajo u arrestua më 30 prill, pesë ditë pas vdekjes së djaloshit. Në raportin e policisë thuhet se helmin e minjve e kishte blerë në internet me qëllim që të helmojë ish-dashnorin.
“E dyshuara e kishte planifikuar krimin. Kishte blerë helmin për 225.000 rupi (rreth 13 euro). Motivi i saj ishte xhelozia, pasi që cak ishte ish-dashnori që ishte martuar me një tjetër – e jo me të”, ka thënë shefi i policisë.
