Me shumë gjasa një lopatë ka shpëtuar një grua 74-vjeçare që u gjet para një aligatori masiv në kopshtin e shtëpisë së saj në Florida, SHBA.
Kreu vendor i zjarrfikësve Nolan Sapp tha se viktima e paemëruar ishte duke u kujdesur për bimësinë jashtë shtëpisë së saj, kur një aligator më shumë se 2 metra i gjatë e kapi me dhëmbë nga këmba dhe e tërhoqi drejt një kanali ujor aty pranë.
Fqinji i gruas David Webb tha për rrjetin vendas NBC2 se kishte dëgjuar ulërimat dhe doli jashtë, ku pa se gruaja e moshuar po luftonte në ujë me aligatorin e tmerrshëm.
Ai tha se gruaja kishte shpëtuar pasi e goditi aligatorin me lopatë “20 deri në 30 herë, derisa sa ai e lëshoi”. Webb kujtonte më pas se i soli gruas një peshqit për të ndaluar gjakderdhjen.
E moshuara ishte dërguar më pas në spital por gjendja e saj nuk njihet.
Autoritetet thanë se aligatori sulmues ishte kapur po atë natë nga profesionistët e botës së egër të Florida.
