Policia ushtarake ruse fillon patrullimin në kufirin mes Sirisë dhe Izraelit - Bota Sot
Policia ushtarake ruse fillon patrullimin në kufirin mes Sirisë dhe Izraelit

Bota

Policia ushtarake ruse fillon patrullimin në kufirin mes Sirisë dhe Izraelit

Më: 2 gusht 2018 Në ora: 23:21
Siri

Rusia do të vendosë policinë e saj ushtarake në kufirin e Golan Heights, mes Sirisë dhe Izraelit, pas rritjes së paqendrueshmërisë në zonë, në javët e fundit.

Lajmi u bë i ditur nga ministria e Mbrojtjes ruse, e cila theksoi se ky hap vjen për të mbështetur paqeruajtësit e Kombeve të Bashkuara në lartësitë e Golanit.

Tensionet në këtë zonë janë rritur ndjeshëm, pasi turpat iranianë kanë filluar të përforcojnë praninë e tyre në kufi, çka ka sjellë reagimin e qeverisë izraelite.

“Policia ushtarake ruse ka filluar patrullimin në lartësitë e Golanit dhe kemi planifikuar të ngremë tetë poste vëzhgimi në zonë. Sot paqeruejtësit e OKB-së, të shoqëruar nga policia ushtarake ruse, patrulluan për herë të parë pas gjashtë vitesh në këtë zonë”, tha Sergei Rudskoi, një zyrtar i ministrisë së Mbrojtjes ruse.

Rudskoi theksoi se prania ruse në këtë zonë është e ëprkohshme dhe se postet e vëzhgimit do t’u dorëzohen autoriteteve siriane, sapo të stabilizohet situata.

Vendosja e policisë ushtarake ruse, është komentuar gjerësisht, pasi thekson edhe njëherë ndikimin e fortë të kremlinit, në konfliktet e Lindjes së Mesme, që në momentin kur ndërhynë ushtarakisht në Siri dhe kthyen situatën në favor të Asadit.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...