Një ekip hetues nga Kombet e Bashkuara do të mbledhë dhe ruajë provat e akteve të grupit terrorist Shteti Islamik në Irak, që mund të jenë krime të luftës, krime kundër njerëzimit apo gjenocid.
Në mbledhjen vjetore të OKB-së, këshilli unanimisht miratoi një rezolutë të hartuar nga britanikët, pas një viti bisedimesh më Irakun. Rrjedhimisht, iu kërkua Sekretarit të Përgjithshëm të Kombeve të Bashkuara, Antonio Guterres, që të krijojë ekipin.
Ekspertët kishin paralajmëruar në qershor të vitit 2016 se i ashtuquajturi Shteti Islamik ishte duke kryer gjenocid kundër komunitetit yazidi në Siri dhe Irak.
Gueterres njoftoi Këshillin e Sigurimit se ekipi hetues do të udhëhiqet nga avokati britanik, Karim Asad Ahmad Khan.
