Më shumë se 25 anije dhe rreth 30 avionë do të marrin pjesë në manovrat ushtarake në Mesdhe nga data 1 deri në 8 shtator, njoftoi sot Ministria ruse e Mbrojtjes.
“Ne parashikojmë të vendosim më shumë se 25 anije nën komandën e kryqëzorit rraketahedhës ‘Admiral Ustinov’. Rreth 30 avionë do të marrin pjesë në këto manovra, ku edhe bombardues të tipit Tu-160”, thuhet në një komunikatë të Ministrisë sipas citimeve të bëra nga agjencitë ruse të lajmeve.
“Luftanijet do të vijnë nga flotat e Detit të Veriut, Detit Balltik, Detit të Zi dhe Detit Kaspik”, theksoi Ministria.
Këto manovra në Mesdhe paraprijnë ato që parashikohen në Siberi dhe në Lindjen e Largët në kuadër të manovrave “Vostok-2018”, që ushtria ruse i paraqet si më të mëdhatë të organizuara ndonjëherë që prej vitit 1981.
Të paktën 300000 trupa dhe 36000 mjete do të marrin pjesë.
