FMN: Lufta tregtare mund ta bëjë botën "vend më të varfër" - Bota Sot
FMN: Lufta tregtare mund ta bëjë botën "vend më të varfër"

Bota

FMN: Lufta tregtare mund ta bëjë botën "vend më të varfër"

Më: 9 tetor 2018 Në ora: 12:36
Fondi Monetar Ndërkombëtar

Fondi Monetar Ndërkombëtar, në vlerësimin e fundit të ekonomisë globale, paralajmëroi se lufta tregtare midis Shteteve të Bashkuara dhe Kinës rrezikon ta bëjë botën "një vend më të varfër dhe më të rrezikshëm".

FMN-ja e uli parashikimin e saj për rritjen globale këtë vit dhe vitin e ardhshëm.

Ajo tha se lufta e plotë tregtare midis SHBA-së dhe Kinës do të bëjë dëm të konsiderueshëm në rimëkëmbjen ekonomike.

Ekonomisti kryesor i FMN-së, Maurice Obstfeld, tha se barrierat e mëtejshme tregtare do të godasin familjet, bizneset dhe ekonominë më gjerë.

"Politika tregtare reflekton politikën dhe politika mbetet e paqëndrueshme në disa vende, duke paraqitur rreziqe të mëtejshme", tha Obstfeld.

SHBA u ka vënë tarifa disa prodhimeve kineze, në vlerë prej qindra miliarda dollarësh, dhe presidenti amerikan, Donald Trump, ka thënë se ato janë përgjigje ndaj "praktikave të padrejta tregtare të Kinës”.

Pekini është përgjigjur me masa të ngjashme ndaj mallrave amerikane.

Për pasojë, FMN-ja tha se rritja ekonomike globale tani pritet të arrijë në 3.7% më 2018 dhe 2019 - poshtë nga parashikimi i mëparshëm në korrik, prej 3.9%.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...