NATO: Rusia po e shkel marrëveshjen për armët nukleare - Bota Sot
NATO: Rusia po e shkel marrëveshjen për armët nukleare

Bota

NATO: Rusia po e shkel marrëveshjen për armët nukleare

Më: 22 tetor 2018 Në ora: 16:35
Ilustrim

Të gjitha 29 anëtaret e NATO-s janë të bindura se Rusia po shkel marrëveshjen e armëve bërthamore me rreze të mesme veprimi, tha zëdhënësja e Aleancës Veri-atlantike, Oana Lungescu.

Duke marrë parasysh mungesën e ndonjë informacioni rreth raketës së re ruse, anëtarët e NATO-s besojnë se është e mundur të arrihet në përfundimin se Rusia shkel marrëveshjen, tha sot zëdhënësja e Aleancës, raporton AP.

Ajo nuk ka komentuar mbi deklaratat e presidentit të SHBA-së Donald Trump se SHBA do të tërhiqet nga marrëveshja, por tha vetëm se anëtarët "vazhdojnë konsultimet".

Trump tha më herët se SHBA do të tërhiqet nga një marrëveshje për forcat bërthamore me rreze të mesme veprimit, pasi Rusia shkeli këtë marrëveshje, por nuk ofroi ndonjë shkelje.

Marrëveshja për shkatërrimin e raketave me rreze të shkurtra dhe të mesme veprimi e vitit 1987 ndalon prodhimin, testimin dhe vendosjen e raketave bërthamore dhe konvencionale që variojnë nga 500 në 5.500 km, dhe i referohet raketave balistike dhe kryqëzueset që lansohen nga toka.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...