Qeveria e Netanyahut u mbijeton kërcënimeve për rrëzim - Bota Sot
Qeveria e Netanyahut u mbijeton kërcënimeve për rrëzim

Bota

Qeveria e Netanyahut u mbijeton kërcënimeve për rrëzim

Më: 19 nëntor 2018 Në ora: 10:49
Kryeministri izraelit, Benjamin Netanyahu.

Qeveria e Izraelit duket se i ka mbijetuar rrëzimit të mundshëm, pasi një partner kyç ka tërhequr kërcënimin për t’u larguar nga koalicioni, çka do të rezultonte me zgjedhje të parakohshme.

Naftali Bennett, nga Partia, Shtëpia e Hebrenjve, pati bërë me dije se do të largohet, mirëpo të hënën ka deklaruar të kundërtën.

Kryeministri izraelit, Benjamin Netanyahu ka mbajtur takime me ministrat e kabinetit të tij së fundmi, ashtu që të mbajë të bashkuar koalicionin.

Kriza në këtë vend ka nisur pasi ministri izraelit i Mbrojtjes ka dhënë dorëheqje, meqë ka kundërshtuar një armëpushim të Izraelit dhe militantët në Gaza.

Bennett pati thënë se do ta tërheqë partinë e tij nga koalicioni përveç rastit kur ai do të emërohet ministër i Mbrojtjes.

Mirëpo këtë rol aktualisht është duke e mbajtur vetë kryeministri Netanyahu.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...