Ndalohet hyrja në zonën Schengen, e 18 sauditëve të përfshirë në vrasjen e Khashoggit

Bota

Ndalohet hyrja në zonën Schengen, e 18 sauditëve të përfshirë në vrasjen e Khashoggit

Më: 20 nëntor 2018 Në ora: 06:41
Jean-Yves Le Drian

Gjermania inicioi një nismë për të ndaluar hyrjen në shumicën e vendeve të Europës, të 18 sauditëve të dyshuar për përfshirje në vrasjen e gazetarit Jamal Khashoggi dhe bëri një hap drejt ndalimit të shitjes së armëve në Arabinë Saudite.

Ndalimi detyron të gjithë anëtarët e zonës Schengen që të mos pranojnë hyrjen në territorin e tyre, të këtyre 18 shtetasve, ndërsa në rast të kundërt, Gjermania është e gatshme të përdorë ndikimin e saj si vendi më i madh i BE-së për të nxitur një linjë edhe më të ashpër.

Ministri i Jashtëm Heiko Maas tha se vendimi ishte koordinuar ngushtë me Francën, e cila është pjesë e zonës Shengen dhe Britaninë, e cila nuk është, ndërsa shtetet e BE kanë shprehur “mbështetje të madhe” për vendimin, kur u informuan në Bruksel të hënën.

“Ne gjithashtu dolëm me një deklaratë të përbashkët mbi këtë çështje këtë fundjavë, që tregon se ne nuk jemi të kënaqur me rezultatet e hetimit deri tani … dhe se ne mbajmë të drejtën për të ndërmarrë hapa të mëtejshëm”, tha ai.

Kur u pyetën për veprimin e mundshëm francez, Ministri i Jashtëm Jean-Yves Le Drian tha: “Ne jemi duke punuar shumë ngushtë me Gjermaninë në këtë moment … dhe ne do të vendosim vetë një numër të caktuar të sanksioneve, shumë shpejt, mbi atë që dimë (rreth vrasjes ). ”

Gjermania po ashtu kishte bërë presion ndaj prodhuesve të saj të armëve për të ndaluar dërgesat e autorizuara, drejt Arabisë Saudite, por në këtë pikë vështirë se Franca do ta ndjekë pas, duke qenë se ka një tregti armësh shumë të zhvilluar me Rijadin.

commentFirst article
Sot mund të lexoni Shfletoni kopertinat