Pekini do të ulë dhe do të largojë taksat prej 40% të vendosura për veturat e importuara nga SHBA-të në Kinë, ka bërë të ditur presidenti amerikan Donald Trump.
Kina ende nuk ka komentuar në lajmërimin e Trump, të cilin ky i fundit e bëri përmes një postimi në Twitter pa dhënë detaje shtesë.
Ky veprim, në qoftë se konfirmohet, do të jete i mirëpritur nga industria e makinave që u prek nga lufta tregtare në mes të SHBA-ve dhe Kinës.
Presidenti Trump dhe ai kinez Xi Jinping, kanë rënë dakord që të kenë një “armëpushim” në mes të kësaj lufte tregtare.
Në darkën e samitit të G20-ës, ata u pajtuan të mos rrisin taksat për 90 ditë në mënyrë që të krijojnë kushte për bisedime.