(E plotësuar) - Suedia arkëton tri pikë domethënëse, duke iu falënderuar golit të Andreas Granqvist që ka realizuar nga penalltia në minutën e 65-të. Suedezët shënuan fitore me rezultat minimal 1:0 në përballje me Korenë e Jugut, në ndeshjen e xhiros së parë të grupit F të Kampionatit Botëror – “Rusia 2018”.
Meksika dhe Suedia prijnë me nga 3 pikë në grup, duke lënë pas Gjermaninë dhe Korenë e Jugut pa pikë. Dorën në zemër Suedia e meritoi fitoren për faktin se pati më shumë nga loja, me tepër raste sidomos në 45 minutat e parë.
Edhe Koreja e Jugut luajti me vetëmohim të pashoq, por nuk arriti ta shkëpusë një pikë në këtë sfidë që u luajt në stadiumin Nizhny Novgorod. Në 45 minutat e para sikurse Marcus Berg të ishte më syçelë ka mundur të shënon dy herë për suedezët. Në minutën e 20-të, Berg në pozitë të qind për qindtë, por portieri i Koresë së Jugut, Cho reagoi për bukuri dhe me këmbë shpëtoi portën e tij.
Sërish Berg në minutën e 29-të, në pozicion të volitshëm, por njëri nga mbrojtësit e Koresë së Jugut shpëtoi gol të sigurt. Dy minuta pa përfunduar pjesa e parë, Suedia kërkon penallti, por gjyqtari nuk mendon ashtu, kur Ki pengoi Toivonenin. Në fund të pjesës së parë futbollisti Claesson me kokë nga afërsia por gjuajtja e tij shkoi mbi portën e Koresë së Jugut. Në minutën e 53-të, Suedia me fat të madh, pasi që gjuajtja e Koo shkoi për disa centimetra jashtë shtyllës pingule të portierit Olsen.
Gjyqtari Aguilar pasi shikoi në ekran vendosi për penallti në minutën e 63-të, pasi që Kim Min-Woo e kishte rrëzuar Claesson. Granqvist me gjakftohtësi gjuajti nga penalltia, portierin në njërën anë dhe topin në këndin tjetër, kësisoj siguroi fitoren (1:0) e Suedisë. Deri në fund të takimit, te dyja kombëtaret u përpoqën, por sulmuesit nuk u treguan të saktë. Në sfidën e radhës përkatësisht me 23 qershor Koreja e Jugut ndeshet me Meksikën (17.00) dhe Gjermania me Suedinë (20.00)
Suedia-Koreja e Jugut 1:0
Stadiumi në Nizhny Novgorod.
Shikues: 44. 899.
Gjyqtar: J. Agular (Salvador).
Shënues: Granqvist (65’-nga penalltia).
Kartonat e verdhë: Claesson - Shin-Wook Kim, Hwang.
Suedia: Olsen, Augustinsson, Granqvist, Jansson, Lustig, Claesson, Larsson (Swensson 81’), Ekdal (Hiljemark 71’), Forsberg, Berg dhe Toivonen (Thelin 77’).
Koreja e Jugut: Cho, Yong Lee, Jang, Young-Gwon Kim, Park (Kim Min-Woo 28’), Jae-Sung Lee, Ki, Koo (Lee Seung-Woo 73’), Hwang, Shin-Wook Kim (Jung Woo-Young 66’) dhe Son.
Grupi F
Gjermania-Meksika 1:0
Suedia-Koreja e Jugut 0:1
Tabela
1.Suedia 1 1 0 0 3
2. Meksika 1 1 0 0 3
3. Gjermania 1 0 0 1 0
4. Koreja e Jugut 1 0 0 1 0
89’ Fundi i ndeshjes, Suedia duket se është e kënaqur me epërsinë, Koreja e Jugut e pafuqishme deri me tash.
84' Suedia në epërsi dhe me gjasa për të fituar.
80’ Suedia e ruan epërsinë dhe është në rrugë të mirë të fitores.
77’ Lojë e mirë, Koreja në presion të rezultatit, Suedia e qetë.
74’ Suedia është shumë afër fitores, kurse Koreja e Jugut ka bërë tri zëvendësime dhe synon barazimin.
65’ Granqvist me gjakftohtësi gjuajti nga penalltia dhe kaloi në epërsi (1:0) Suedinë.
63’ Gjyqtari pasi shikoi në ekran vendosi për penallti, ku e pa se Kim Min-Woo kishte rrëzuar Claesson.
59’ Suedia me energjike, por pa sukses, kurse Koreja e Jugut orvatet me kundërsulme të rrezikojë.
53’ Suedia me fat të madh, pasi që gjuajtja e Koo shkoi për disa centimetra jashtë shtyllës pingule të portierit Olsen.
51’ Pa ndryshim rezultati. Suedia me gjithë që po sulmon me shumë, deri me tani sulmuesit e saj janë treguar të ngathët.
47’ Suedia apo Koreja, cila do t’i marrë tri pikë ose edhe mund të përfundojë baras.
Fillon pjesa e dytë.
45+2' Claesson me kokë nga afërsia por gjuajtja e tij shkoi mbi portë.
45' Pa ndryshim rezultati, 0:0.
43’ Suedia kërkon penallti, por gjyqtari nuk mendon ashtu, kur Ki pengoi Toivonenin.
42' Ende pa gola, lojë e pëlqyeshme.
Suedia-Koreja e Jugut
Stadiumi në Nizhny Novgorod.
Gjyqtar: J. Agular (Salvador).
Suedia: Olsen, Augustinsson, Granqvist, Jansson, Lustig, Claesson, Larsson, Ekdal, Forsberg, Berg dhe Toivonen.
Koreja e Jugut: Cho, Yong Lee, Jang, Young-Gwon Kim, Park (Kim Min-Woo 28’), Jae-Sung Lee, Ki, Koo, Hwang, Shin-Wook Kim dhe Son.
35’ Nuk ka gola. Te dyja kombëtaret luajnë mjaft mirë, Koreja e Jugut mundohet të jetë më e rrezikshme.
33’ Suedia është më e mirë, më kërcënuese, por nuk shënon.29’ Berg sërish në pozicion të volitshëm, por njëri nga mbrojtësit e Koresë së Jugut shpëtoi gol të sigurt.
27’ Vazhdon pa gola. Suedinë kërkon me ngulmë golin, kurse Koreja e Jugut mbrohet me sukses.
20’ Berg në pozitë të qind për qindtë, por portieri i Koresë së Jugut, Cho, reagoi për bukuri dhe me këmbë shpëtoi portën.
17’ Ndeshja mes Suedisë dhe Koresë së Jugut është e vlefshme e grupit F.
15' Rezultati edhe më tej 0:0. Lojë e mirë.
Dita e pestë e Botërorit “Rusia 2018”, nis me përballjen Suedia-Koreja e Jugut.
Suedia dhe Koreja e Jugut ballafaqohen në kuadër të Grupit F.
Kjo sfidë pritet te prodhoj një ndeshje interesante, pasi që të dy skuadrat kërkojnë trepikëshi e parë në këtë Botëror, sidomos pas fitores së Meksikës kundër Gjermanisë, në mënyrë që të bëjnë hapin e parë për të kaluar në fazën tjetër të garave.
Suedi-Koreja e Jugut, formacionet zyrtare
Do të luhet sot në “Nizhny Novgorod Stadium” ndeshja e dytë e Grupit F mes Suedisë dhe Koresë së Jugut.
Dje Gjermania u mund 1-0 nga Meksika, ndërsa sot është radha e suedezëve dhe koreanojugorëve për të zbritur në fushë.
Ky takim do të luhet në orën 14:00 dhe të dy trajnerët tashmë i kanë publikuar formacionet zyrtare.