Presidentja e Kroacisë, Kolinda Grabar-Kitarovic, ka qenë një prej shembujve më të mirë për politikanët gjatë Kampionatit të sivjetmë Botëror.
Përveçse një tifoze e flaktë e përfaqësuese së saj, ajo vazhdimisht është paraqitur me simbole kombëtare në tribuna duke anashkaluar protokollet e veshjeve serioze.
Kjo ka bërë që 50-vjeçarja të fitojë simpatinë e tifozëve të futbollit nga e gjithë.
Kombëtarja e Kroacisë nuk arriti që ta fitonte Kupën e Botës, pasi në finale të Kampionatit Botëror, ‘Rusia 2018’, pësoi me rezultat 4-2.
E pranishme në Luzhniki Stadium ishte edhe Kolinda, e cila u kujdes për t’i ngushëlluar lojtarët e Kroacisë.
Megjithatë, në momentin e përqafimit të kapitenit Luka Modric, edhe ajo kishte nevojë për një ngushëllim, duke qenë se nuk arriti t’i mbante lotët.
Great genuine warmth from Croatia’s President Kolinda Grabar Kitarovic towards Luca Modric. As well as from Emmanuel Macron ? pic.twitter.com/Z2fMNHvVff
— matt mcglone (@MattMcGlone9) July 15, 2018
Ndryshe, Modric u shpall lojtari më i mirë i Kampionatit Botëror duke e fituar çmimin ‘Topi i Artë’.