Një shqiptar në Itali rreh barbarisht gruan e tij.
Mediat italiane shkruajnë se një 34-vjeçar shqiptar u arrestua nga policia italiane, nën akuzën e dhunës së vazhdueshme ndaj gruas 26-vjeçare.
Mediat vijojnë më tej se kjo gjë ndodhte nën pretekstin se gruaja nuk i bindej burrit.
Dyshohet se bashkëshorti kërkonte nga gruaja, që ajo t’i përmbahej rregullave kanunore.
Ai e rrihte, kërkonte që ajo të mos ulej me familjarët e tij në tavolinë, dhe gjithashtu i kërkonte edhe pagën mujore.
Në një nga rastet e dhunës, 34-vjeçari i kishte thyer asaj dhëmbët e sipërme, ndërsa skena ishte parë edhe nga vajza e vogël e çiftit.
Abuzimet kanë vijuar deri në atë pikë sa 26-vjeçarja i ka kërkuar edhe divorcin.
Në këtë rast burri i ka vënë një çorape në goje gruas dhe i ka prerë me thikë pëllëmbën e dorës.
Gruaja më pas ka bërë denoncim në Polici, ndërsa ngjarja është nën hetim nga autoritetet italiane.