Një aksident i rëndë është shënuar në orët e para të mëngjesit të sotëm, në kryqëzimin e rrugëve Calatafimi dhe Porta Adige, në Itali.
Një makinë tip ‘Renault Clio’, e drejtuar nga një 56-vjeçar italian, përplasi një biçikletë me të cilën udhëtonte një 28-vjeçare shqiptare me banim në Ravigo.
Për pasojë emigrantja shqiptare mbeti e plagosur rëndë, duke u dërguar me urgjencë në spital, ku gjendja e saj paraqitet e rëndë.
Aksidenti ndodhi rreth orës 07.15 të mëngjesit të kësaj të enjteje, ku rrethanat e ngjarjes janë ende të paqarta.
Policia shoqëroi drejtuesin e mjetit, teksa hetimet për ngjarjen janë në vijim.
