Një shqiptar është arrestuar nga autoritetet italiane të Krotones, pasi u kap me një sasi droge.
Ai është një 47-vjeçar i identifikuar me inicialet I.J, teksa një pakujdesi e vogël e tij i kushtoi shumë.
Lëvizjet e dyshimta të shqiptarit bënë që policia të ngrinte një shërbim vëzhgimi pranë shtëpisë së tij.
Kur ai po kthehej në banesë, vuri re rreth e rrotull për të kontrolluar se askush nuk po e ndiqte.
Dyshimet për këtë sjellje bënë që karabinierët të ushtrojnë kontrolle në banesën e tij duke gjetur 82 qese me vakum, brenda të cilave gjendej marijuanë me një peshë totale prej 110 kg.
